పోలీస్ డ్రైవర్ అప్రమత్తతతో సామాన్యుడి ప్రాణాన్ని కాపాడిన హోమ్ మంత్రి అనిత కాన్వాయ్ ఏలూరు జిల్లా కైకరం జాతీయ రహదారిపై ఘటన
garudasekhar08@gmail.com 
పోలీస్ డ్రైవర్ అప్రమత్తతతో సామాన్యుడి ప్రాణాన్ని కాపాడిన హోమ్ మంత్రి అనిత కాన్వాయ్ ఏలూరు జిల్లా కైకరం జాతీయ రహదారిపై ఘటన
జనచైతన్య న్యూస్- ఏలూరు
ఏలూరు జిల్లా, రాష్ట్ర హోమ్ మంత్రి వంగలపూడి అనిత ప్రయాణిస్తున్న కాన్వాయ్ ఎస్కార్ట్ డ్రైవర్ అప్రమత్తతతో ఓ సామాన్యుడి నిండు ప్రాణానికి ప్రమాదం తప్పింది.ఏలూరు జిల్లా జాతీయ రహదారిపై ఆదివారం ఉదయం హోమ్ మంత్రి అనిత ప్రయాణిస్తున్న కాన్వాయ్ కైకరం వద్దకు చేరే సరికి రోడ్డు పక్కన వెళ్తున్న ఓ ద్విచక్ర వాహన దారుడు అదుపుతప్పి ఒక్కసారిగా కుడి వైపు వెళ్తున్న కాన్వాయ్ వైపు ఒరిగి పడిపోయాడు. అయితే క్షణ కాలంలో జరిగిన ఘటనతో వెంటనే అప్రమత్తం ఆయిన హోమ్ మంత్రి ఎస్కార్ట్ డ్రైవర్ ద్విచక్ర వాహన దారుడికి ఎలాంటి ప్రమాదం జరగకుండా ఉండాలని, తమ పోలీస్ వాహనాన్ని పక్కకు తప్పించి, సడెన్ బ్రేక్ వేశారు. దీంతో కాన్వాయ్ మొత్తం ఒక్కసారిగా ఆగింది.ఆ ఘటనలో హోమ్ మంత్రి అనిత ప్రయాణిస్తున్న కారునీ మరో కార్ స్వల్పంగా డీ కొట్టగా మంత్రి ప్రయాణిస్తున్న కార్ బంపర్ స్వల్పంగా డ్యామేజ్ అయింది. అకస్మాత్తుగా జరిగిన ఘటనతో ఏమి జరిగిందా అని అందరూ ఒకింత ఆందోళన చెందగా,అనంతరం విషయం తెలుసుకునీ,సామాన్యుడి ప్రాణానికి,కాన్వాయ్ లోని హోమ్ మంత్రి అనితకు ఎలాంటి ప్రమాదము జరగపోవటంతో పోలీస్ భద్రతా సిబ్బంది అంతా వూపిరి పీల్చుకున్నారు.అనంతరం పోలీస్ సిబ్బంది ద్విచక్ర వాహన దారుడీని క్షేమంగా పక్కకు తీసుకు వెళ్లారు. అనంతరం హోమ్ మంత్రి అనిత వేరే కార్ లో బయలుదేరి వెళ్లిపోయారు.
